Peruvian er klassískt 4-þráða ullargarn spunnið úr 100% ull af hálendisfé í Perú. Garnið er kambgarnspunnið sem gerir það að verkum að garnið er jafnt og slétt og gefur fallega áferð þegar það er prjónað. Peruvian hentar mjög vel í mynstur-, kaðla- og útprjón. Það hentar í flest öll prjóna- og heklverkefni bæði fyrir fullorðna og börn. Litapallettan er mjög stór og gaman að leika sér með að setja saman liti. Peruvian má einnig nota með öðrum þráðum og hefur verið vinsælt með Alva og Tilia.